သော့ချက်စာလုံး Commando

မင်းသားကြီး Denzel Washington ဆိုတာ ရုပ်ရှင်လောကထဲမှာတင်မက တခြားပြင်ပလောကတွေမှာပါ ဩဇာကြီးမားတဲ့ အနုပညာရှင်တစ်ဦးပါ ဒီလိုမင်းသားကြီးကို အသုံးပြုပြီး လောကကြီးရဲ့ တလွဲတွေကို ချိန်ညှိသူအဖြစ် ရိုက်ကူးထားတဲ့ The Equalizer ရုပ်ရှင်ကားတွေဟာ တကယ့်ထိပ်တန်း အက်ရှင်ဇာတ်ကားတွေပါပဲ နိုင်ရာစားလောကကြီးကို ကျွန်တော်တို့ မျက်မြင်မှာ လုပ်ငန်းခွင်တွေမှာ ဘဝတွေမှာ နေ့စဉ်မြင်တွေ့ ခံပြင်းနေကြမှာပါ ဒီလိုနိုင်ရာစားလောကကြီးကို တရားသဖြင့် ချိန်ညှိပေးမယ့်သူအဖြစ် Denzel Washington ကတကယ့်တရားသူကြီးတစ်ယောက်လို တည်ငြိမ်ရင့်ကျက်စွာသရုပ်ဆောင်ထားပါတယ်။ ထူးခြားတာကတော့ သူက လောကကြီးကို ချိန်ညှိဖို့အတွက် ရက်စက်ဖို့လဲ ဝန်မလေးတဲ့ယမမင်းတစ်ပါးလို လက်သံပြောင်သူအဖြစ် အားရစွာမြင်တွေ့ရမှာပါ။ The Equalizer 2014 ဇာတ်ကားမှာတော့ ပြည့်တန်ဆာမလေးအဖြစ် မင်းသမီး Chloë Grace Moretz လဲ ပါဝင်ထားပါတယ်။

ဒုတိယကမ္ဘာစစ်အပြီး မဟာမိတ်တွေအနိုင်ရပြီး နာဇီဂျပန်တွေကို အင်ဒိုနီးရှားမြေကနေ မောင်းထုတ်ခဲ့ပါတယ်။ ဒါပေမဲ့ အင်ဒိုနီးရှားနိုင်ငံကို ပြန်လည်တည်ဆောက်ဖို့ဆိုတဲ့ အကြောင်းပြချက်နဲ့ နယ်သာလန်က စစ်တပ်တွေလွှတ်ပြီး နယ်မြေရှင်းလင်းရေးတွေလုပ်ခဲ့ပါတယ်။ နယ်သာလန်အစိုးရက တပ်ထဲဝင်ဖို့ဆန္ဒပြုသူတွေကို စစ်မှုထမ်းပြီးပြန်လာရင် အလုပ်စီစဉ်ပေးမယ်လို့ ကတိပြုခဲ့ပါတယ်။ ဒီလိုကြောင့် အလုပ်အကိုင်ရှားပါးတဲ့ အချိန်လည်းဖြစ်တာကြောင့် အများစုက တပ်ထဲဝင်ခဲ့ကြပါတယ်။ဒီအထဲမှာ ဂျိုဟန်ဒီဗရီစ်ဆိုတဲ့ ကောင်လေးလည်းပါလာခဲ့ပါတယ်။ သူကတော့ အင်ဒိုနီးရှားဒေသခံတွေကိုကူညီပြီး နိုင်ငံပြန်လည်တည်ထောင်ပေးမယ်။ ပြန်လာရင် အလုပ်တစ်ခုရမယ်ဆိုတဲ့ မျှော်လင့်ချက်နဲ့ပေါ့။ ဒါပေမဲ့ အင်ဒိုနီးရှားကိုတကယ်ရောက်သွားတဲ့အခါမှာတော့ သူထင်ထားသလိုမဟုတ်တဲ့ အခြေအနေတွေနဲ့ ကြုံတွေ့လာရတဲ့အခါမှာတော့ သူလုပ်နေတဲ့အရာဟာ မှန်လား၊ မှားလားတောင် မဝေခွဲတတ်အောင်ဖြစ်လာခဲ့ပါတယ်။ဂျိုဟန်တစ်ယောက် ဘယ်လိုအရာတွေနဲ့များကြုံတွေ့ရမလဲဆိုတာကို စိတ်ဝင်စားဖွယ်ကြည့်ကြရမယ့်၊ စစ်အတွင်းအနေအထားများကို မြင်သာအောင်ရိုက်ပြထားတဲ့ ဇာတ်လမ်းကောင်းလေးတစ်ကားဖြစ်ပါတယ်။