သော့ချက်စာလုံး Horrors Of War

ဒုတိယကမ္ဘာစစ်အတွင်း 1943မှာ ဂျာမန်တွေ ဂျုးတွေကို ဘယ်လောက် နှိပ်စက်ခဲ့လဲဆိုတာ ကွက်ကွက်ကွင်းကွင်းပြထားတဲ့ ကားလေး ဇာတ်လမ်းအကျည်းကတော့ ဘိုင်လိုရုရှားလို့ခေါ်တဲ့ ဘီလာရပ်စ်က ဂျုးရွာလေးတစ်ရွာမှာ ဖီးလ်အိုရာဆိုတဲ့ ကောင်လေးတစ်ယောက် ရှိတယ် အဲ့ကောင်လေး က အဲ့ခေတ် အဲ့အချိန်မှာ ဂျာမန်ဖက်ဆစ်နာဇီတွေကို တော်လှန်နေတဲ့ အဖွဲ့တစ်ခုတည်းကို ဝင်ရဖို့ စစ်မြေပြင်ဖြစ်ခဲ့တဲ့ နေရာတွေမှာ သေနတ်တွေ ဗုံးတွေ ရဖို့ လိုက်တူးခဲ့တယ် ဘာလို့လဲဆိုတော့ သေနတ်ရပြီဆိုရင် တော်လှန်ရေးခေါင်းဆောင်တွေက သူ့ကို လာခေါ်တော့မှာလေ နောက်ဆုံး သူ သေနတ်တစ်လက် ရှာတွေ့ခဲ့တယ် အဲ့ကနေ စပြီး သူ တော်လှန်ရေးတပ်ထဲကိုရောက်သွားပြီး သာမန် ကလေးသာသာပဲ ရှိသေးတဲ့ ကောင်လေးတစ်ယောက်ဟာ စပြီး ပြောင်းလဲလာတော့တယ် ဒီကားလေးမှာတော့ ကောင်လေး တော်လှန်ရေးတပ်ထဲ ရောက်ပြီးတဲ့နောက် ကြုံတွေခဲ့ရတဲ့ အဖြစ်အပျက်တွေကို ကြေကွဲဝမ်းနည်းစရာရိုက်ပြထားပါတယ် ဖက်ဆစ်နာဇီတွေ အင်အားကြီးချိန်က ရဟူဒီလို့ ခေါ်တဲ့ ဂျူးလူမျိုးတွေ, ကလေးပေါက်စလေးတွေက အစ မညှာမတာသတ်ဖြတ်ခဲ့တာတွေကို စိတ်မကောင်းစွာ မြင်တွေ့ရမှာပါ..လက်မလွတ်သင့်တဲ့ ကားကောင်းလေးတစ်ကားလို့ဆိုရမှာပါ

ဇာတ်လမ်းထဲမှာတော့ ရှေ့တန်းကို ပထမဆုံးထွက်ရမည့် ဗိုလ်ကြီးဝစ်ဇ်လန်က အာဖရိကစစ်မျက်နှာပြင်က ပြန်လာတဲ့လူတွေကို ဦးစီးပြီး မုန်တိုင်းတပ်သားတွေအဖြစ် စတာလင်ဂတ်ကို ချီတက်သိမ်းပိုက်ကြတဲ့ အကြောင်းပါ။ ပထမပိုင်းမှာဆို အတွေ့အကြုံမရှိတဲ့ ဗိုလ်ကြီးနဲ့ တပည့်တွေရဲ့ အခြေအနေကို ပေါ့ပေါ့ပါးပါး ပြသွားတယ်၊ နောက်ပြီး တကယ်ကြုံလာတော့ ဒီဗိုလ်ကြီးက ဘယ်လိုပါလားဆိုတာကို မြင်လိုက်ရတော့ တပည့်တွေလည်း ကြည်ညိုလေးစားသွားကြရော။ စစ်တပ်ရဲ့ တစ်သွေးတစ်သံအမိန့် ဆိုတာမျိုးတွေကို ဒီထဲမှာကောင်းကောင်းမြင်ရပြီး ဒီလိုအရာကြောင့်ပဲ ကိုယ့်စစ်တပ်မှာပဲကိုယ်က အကျဉ်းသားဘဝရောက်ခဲ့ရတာတွေ သေကောင်ပေါင်းလဲ ရုန်းကန်ခဲ့ရတာတွေ။ အထက်ကလူကြီး ကောင်းမှုကြောင့် အသေအလဲတွေ စစ်တိုက်ရပြီး လူသားမဆန်မှုတွေ ကြုံရတော့ မခံချင်စိတ်နဲ့ စစ်ပြေးဘဝရောက်ပြီး ဆိုဗီယက်နယ်မြေထဲမှာ ခက်ခက်ခဲခဲတွေ ဖြတ်သန်းပြီးအသက်စွန့်ရတာတွေ။ အစပိုင်း ရာသီဥတုသာလို့ တိုက်ပွဲက အသာစီးရပေမယ့်ဆရာသမား ရုရှားတို့ရဲ့ဆောင်းတွင်း ရောက်လာတဲ့အခါချိန်ခွင်တစ်ဖက်ပြောင်းသွားတာတွေ စသဖြင့် သံဝေဂရစရာတွေနဲ့ စုံစုံလင်လင်ဖော်ပြတင်ဆက်ထားတဲ့ စစ်ကားကောင်းတစ်ကား ဖြစ်ပါတယ်။

ဇာတ်လမ်းကတော့ ဟိုးရှေးရှေးတုန်းကလို့ စပြောရမှာပါပဲ။ မှော်ရုံတောကြီးထဲမှာ Teddy Bear တွေနဲ့ Unicorn တွေနဲ့ အခြားတိရစ္ဆာန်တွေ ငြိမ်းငြိမ်းချမ်းချမ်းနေနေကြတာပေါ့။ တစ်နေ့မှာတော့ အရာအားလုံးကို သိမြင်နိုင်စွမ်းရှိတဲ့ ဗဟုသုတတွေပါတဲ့ စာအုပ်ကို Teddy Bear တွေက ရသွားပြီး အခြားတိရစ္ဆာန်တွေထက် သာလွန်တဲ့ မျိုးစိတ်တွေ ဖြစ်လာပါတယ်။ သူများထက် တိုးတက်နေတဲ့ Teddy Bear တွေက အသိဉာဏ်တွေ ဖွံ့ဖြိုးလာတာနဲ့အမျှ နေထိုင်မှုပုံစံကိုလည်း အဆင့်မြှင့်ဖို့ ကြိုးစားပါတယ်။ သူတို့နေထိုင်တဲ့ မှော်ရုံတောကို သူတို့လိုသလို ဖန်တီးဖို့ ကြိုးစားလာတဲ့အခါမှာ ယူနီကွန်တွေက ဦးဆောင်ပြီး ဆန့်ကျင်တိုက်ထုတ်ကြပါတယ်။ စစ်ပွဲမှာ Teddy Bear တွေ အရေးနိမ့်သွားပြီး မှော်ရုံတောကနေ နှင်ထုတ်ခံလိုက်ရပါတယ်။ အဲဒီအချိန်ကစပြီး Teddy Bear တွေနဲ့ Unicorn တွေရဲ့ စစ်ပွဲက စတင်လာပါတော့တယ်။ ဇာတ်ကားထဲမှာတော့ မြင့်မြတ်တဲ့ စစ်ပွဲကြီးရဲ့ နောက်ဆုံးတိုက်ပွဲကို တွေ့ရပါလိမ့်မယ်။