သော့ချက်စာလုံး Masked Killer

ဒီကားကတော့ scream 3 ထွက်ပြီး ၁၁ နှစ်ကြာမှ ထွက်လာတာ ဖြစ်ပါတယ်။ ဆယ်စုနှစ်တစ်ခုကျော်ကြာမှ ထွက်လာတာဖြစ်လို့ တိုးတက်လာတဲ့ နည်းပညာတွေ ရုပ်ရှင်ပညာတွေကို ကောင်းကောင်းအသုံးချထားပြီးတော့ နောက်ဆုံးထွက်ခဲ့တဲ့ ကားထက်ကောင်းအောင် ရိုက်ကူးထားပါတယ်။ ဇာတ်လမ်းဆက်ထားပုံကတော့ သရဲမျက်နှာလူသတ်သမားနဲ့ နောက်ဆုံးရင်ဆိုင်တွေ့ခဲ့တာ ၁၀ နှစ်ကျော်ကြာသွားပါပြီ။ အဲဒီအချိန်မှာ ဆစ်ဒနေက အတိတ်ရဲ့စိတ်ဒဏ်ရာတွေကို ကုစားဖို့ ကိုယ့်ကိုယ်ကို ပြုပြင်ရေးစာအုပ်တစ်အုပ်ရေးပါတယ်။ အဲဒီစာအုပ်ကို ထုတ်ဝေတဲ့အခါ book tour လုပ်တော့ မွေးရပ်မြေကို ပြန်လာဖို့ အကြောင်းဖြစ်လာပါတယ်။ ကံဆိုးစွာနဲ့ပဲ ဆစ်နေဒန် ပြန်ရောက်လာတာကြောင့် သရဲမျက်နှာလည်း ပြန်ပေါ်လာပါတယ်။

လော်ရီဟာမြေးမငယ် အလီဆင်အိမ်သစ်တစ်လုံးမှာ အတူနေထိုင်နေပြီဖြစ်ပါတယ်။ တစ်နေ့တော့ ဂတ်စ်ဆိုင်မှာဝိုင်းအ နိုင်ကျင့်ခံနေရတဲ့ လူငယ်တစ်ယောက်ကို ကူညီပေးခဲ့မိပြီး အဲ့ဒီလူငယ်ဟာ မိုက်ကယ်မိုင်ယာလို အတိတ်က အရိပ်မည်း တွေခြောက်လှန့်ခံနေရတဲ့ အမှောင်လမ်းပေါ် လျှောက်လုဆဲ လူငယ်တစ်ယောက် ဆိုတာတော့ လော်ရီတစ်ယောက် အသိနောက်ကျခဲ့ရပါတယ်။ ဒီလူငယ်ဟာ တိမ်မြုပ်နေတဲ့ မိုက်ကယ်နဲ့အဆက်အသွယ်ရရှိနေခဲ့ပြီး မြေးမငယ် အလီဆင်ကိုပါ သူ့ဘဝထဲကနေ ဆွဲခေါ်သွားဖို့ကြိုးစား လာချိန်မှာတော့ လော်ရီတစ်ယောက် သူ့ဘဝအပေါ် အစဉ် အဆက် ရိပ်မိုးနေခဲ့တဲ့ မိုက်ကယ်မိုင်ယာကို ရောလက်သစ်ကောင်ကိုပါ ရင်ဆိုင်ကျော်လွှားရပါတော့မယ်။ ဒီတစ်ခါ နောက်ဆုံး ဇာတ်သိမ်းအနေနဲ့ပါပဲ။

ပျော်စေပျက်စေ စရင်းနဲ့ အပျော်ကနေ အပျက်ဖြစ်ခဲ့ရလို့ ဝမ်းနည်းစရာ အဖြစ်ပျက်နဲ့ ကြုံခဲ့ရပြီး ၂နှစ်အကြာမှာ သူငယ်ချင်းတစ်သိုက် ငယ်ငယ်တုန်းက နွေရာသီ အားလပ်ရက်တိုင်း လာလေ့ရှိတဲ့ အိမ်ကို ဆမန်သာ၊ မိုင်းစ်၊ အလာနာ နဲ့ မစ်ကီတို့ သူငယ်ချင်းတစ်သိုက် ပြန်ချိန်းလိုက်ကြပါတယ်။ မတွေ့တာကြာပြီဖြစ်တဲ့ သူငယ်ချင်းတစ်သိုက်ကို ဘယ်လိုမကောင်းတဲ့အရာတွေက စောင့်ကြိုနေမလဲ၊ အဲဲဒီ မကောင်းတဲ့အရာကနေ ဆမန်သာတို့ လွတ်မြောက်သွားနိုင်ပါ့မလား၊ ဘာလို့ အဲဒီမကောင်းတဲ့အရာကြီးက ဘာလို့လိုက်သတ်နေတာလဲဆိုတာကို ကြည့်ရှု့ရမှာဖြစ်ပါတယ်။ ခေတ်စားနေတဲ့ Screamလိုမျိုးပုံစံမျိုးဆိုတော့ တရားခံက ဘယ်သူလဲဆိုတာ ကြည့်ရင်းရှာဖွေလိုက်ကြပါအုန်း။

ဗစ်ကီဆိုတဲ့ကောင်မလေးဟာ Only fans ဗွီဒီယိုတွေရိုက်တဲ့ကိစ္စကြောင့် ဘဲနဲ့ပြတ်ပြီး နယူးယော့ခ်ကနေ သူ့သူငယ်ချင်းရှိတဲ့ နယ်မြို့လေးဆီကို စိတ်ပြေလက်ပျောက် ထွက်လာခဲ့ပါတယ်။ ဒါပေမဲ့ နယူးယော့ခ်မှာ ကိုဗစ်လူနာတွေ အရမ်းများတာကြောင့် နယူးယော့ခ်ကနေလာတဲ့ ဗစ်ကီဟာ သူ့သူငယ်ချင်းဆီမှာ နေလို့မရဘဲ မြို့အစွန်အဖျား တောအုပ်ထဲက သူ့သူငယ်ချင်းရဲ့အမျိုးတွေပိုင်တဲ့ သစ်လုံးအိမ်တစ်ခုမှာ တစ်ပတ်တိတိ တစ်ယောက်တည်းနေရဖို့ ဖြစ်လာပါတယ်ဗျ။ သူဟာ တစ်ယောက်တည်း သစ်လုံးအိမ်ထဲမှာ only fans ဗွီဒီယိုတွေရိုက်ရင်း သူ့ရဲ့ ရက်သတ္တပတ်ကို ကုန်ဆုံးဖို့ စိတ်ကူးထားပေမဲ့ သံတူရွင်းတစ်ချောင်းနဲ့ မိန်းမငယ်လေးတွေကို လိုက်သဝာ်နေတဲ့ လူသဝာ်သမားတစ်ယောက် အဲ့ဒီ တောအုပ်ထဲကိုရောက်လာတဲ့အခါမှာတော့။ Alone at night ဆိုတဲ့အတိုင်း ဒီရုပ်ရှင်ဟာ သည်းထိတ်ရင်ဖိုအမျိုးအစားဖြစ်ပြီး ဇာတ်လိုက်မင်းသမီး အက်ရှလေဘန်ဆင်ကလည်း တော်တော်လေးကို ဟော့တဲ့အပြင် ဘာခန်းညာခန်းအပျော့စားတချို့လည်း ပါဝင်တာကြောင့် မိသားစုနဲ့အတူကြည့်မယ်ဆို သတိထားပြီးကြည့်ကြဖို့ ကြိုပြီးသတိပေးချင်ပါတယ်။