피지컬: 100

Squid Game လို ဂိမ်းမျိုးက တကယ့် Reality Game အနေနဲ့ ထွက်လာပြီဆိုရင် ယုံမလား? တကယ့်ကို Survival Game တစ်ခု ပေါ်ထွက်လာပါပြီ။ ထူးထူးခြားခြား အသစ်ထွက်ရှိထားတဲ့ Physical 100 ဆိုတဲ့ရှိုးလေးပါပဲ။ ဘယ်လိုရှိုးမျိုးလဲဆိုတော့ သာမန်မြင်တွေ့နေကျ Survival Shows တွေနဲ့မတူဘဲ ပါဝင်ယှဉ်ပြိုင်သူတွေက ခန္ဓာကိုယ် ကြံ့ခိုင်တောင့်တင်းသူတွေ ဖြစ်ပြီးတော့ လူအယောက် ၁၀၀ တိတိ က ရုပ်ပိုင်းဆိုင်ရာ အင်အားချင်း ယှဉ်ပြိုင်ကြရမှာပါ။ နပန်းသမား၊ အားကစားသမား၊ ကာယဗလမောင်‌မယ်တွေကစလို့ အထူးတပ်ဖွဲ့ဝင်တပ်သားတွေပါ ပါဝင်ထားတဲ့ ဒီအစီအစဉ်မှာဆိုရင် ကျား/မ မရွေးဘဲ ခန္ဓာကိုယ်အကြံ့ခိုင်အတောင့်တင်းဆုံးသူ တစ်ဦးတည်းကသာ အနိုင်ရရှိမှာဖြစ်ပါတယ်။ အင်အားသုံးရတဲ့ ရှိုး‌ခပ်ဆန်းဆန်းလေးတွေကိုမှ ကြိုက်နှစ်သက်သူပရိသတ်ကြီးဆိုရင်တော့ လက်လွှတ်မခံဘဲ ကြည့်ရှုသင့်တဲ့ အစီအစဉ်တစ်ခုပါပဲနော်။ ကိုယ်ကိုယ်တိုင် ဝင်ပြိုင်ချင်လောက်တဲ့အထိ အသည်းတယားယား ရင်တဖိုဖိုနဲ့ ကြည့်ရမယ့် ရှိုးတစ်ခုလည်း ဖြစ်ပါတယ်။